Holong ni Damang Dainang - Retta Sitorus

Hamu akka DONGAN,
Sude hita magodang marhite pangarupion namarloksa loksa,
Adong dainang adong daamang manang oppung namboru,
Tulang manang sude akka namanghaholongi hita.
Tabereng ma boha panghokkop ni among ta,
Songon dia pe rumang ni amongta ibana do na tongtong gabe amongta,
Mungkin hea do songgop tu pikkiran ta,
Boasa ma boi hita tubu sian damang nasongonon dohot dainang songonon.
Alai songon dia pe nasida tong do damang ido na dohot dainang ta.
Damang ido natongtong mangula asa adong dalan ni ngolu ngolu ta,
Asa boi hita sikkola. asa inongta boi mangaloppa sipanganon natabo tu hita.
Adong dainang na ganup ari maraburan ilu-iluna manangiakkon hita be.
Na sai marsakkap pasonang dirim nang pe dibagasna parukkilon ibana.
DONGAN, molo tung pe ditikki on jotjot hita mangirim sms tu akka dongan ta be,
Pasahat hamauliateon tu akka dongan ta be.
Nungnga hea hita pasahat hata mauliate tu akka damang dainang ta??,
Manang tu akka namambahen hita boi na mamolus ari aritta??,
Jala boi hita mandapot akka napinarsitta ni roha ta.
Bereng bohi ni dainang mi, bereng gurat gurat ni bohi na naung matua i,
Bereng obuk na naung marbottar i,
Baol dainang mi tangianghon dainang mi,
Naung godang pangurupion na,
Asa boi ho hasea. bereng damang mi naung mapukpuk holi holi na,
Nahir hodok na holan pasari sari ho,
Nasida do jolma naung mangalehon gogona humokkop ho.
Beta ma tabahen natau las ni roha nasida,asa talup hita mandapot hasonangan di ngolu ta

Sai huingot do
Denggan ni basam
Taringot sude holongmu na margelleng i
Di abing do au Damang Dainang i


Sipata sairo lungun rohaki
Marningot sude poda na denggan sian ho
Sai posma roham damang da inonghu

Di subut do au di siuk do au
Di anju do au rodi na mangodang au
Di subut do au di siuk do au
Di anju do au rodi na mangodang au


Nang pe sipata hassit rohami
Nang pe sipata tarilu ilu ho

Ale ama nami napar asiroha asi ma roham tu hami
patapariparma holong mi tu damang dainang
Asa tongtong boi di bagasan hahipason
Boi mamereng hami akka pinopparna
Godang do hubahen hami ha sosogo ni rohana
Sai homa nama nesa sude dosa nami tu damang dainang
Asi ma roham tu hami oloi ma pangidoan nami


Di subut do au di siuk do au
Di anju do au rodi na mangodang au
Di subut do au di siuk do au
Di anju do au rodi na mangodang au

Ikkon hubalos holongmu na di ngolukkon
Dohot sudena na denggan pambahenan mi
Ikkon hubalos holongmu na di ngolukkon
Dohot sudena na denggan pambahenan mi


O among inonghu
Sai sai sautma sude na tangiangmi
O among inonghu
Sai sai sautma sude na tangiangmi

Judul : HOLONG NI DAMANG DAINANG
Cipt :  Max Simanjuntak
Artis : RETTA SITORUS

Popular posts from this blog

Lirik Mauliate Ma - Dorman Manik

Lirik Dainang - Siantar Rap Foundation Feat Pitta Rose

Lirik- Ise Ma Mangapus Ilukkon - Bulan Panjaitan